Rritja e rasteve me koronavirus ka detyruar Britaninë e Madhe të rikthejë karantinën dy javore për çdo udhëtar nga Italia që futet në territor. Vendimi u njoftua nga qeveria britanike.
“Masë, që gjithashtu ka të bëjë me Vatikanin dhe mikroshtetin e San Marinos, do të zbatohet nga ora 03:00 GMT të dielën dhe do të vlejë për të gjithë Britaninë e Madhe dhe jo vetëm për Anglinë”, shkroi në Twitter ministri britanik i Transportit, Grant Shapps, raporton ATSh.
‘’Nga ana tjetër, personat që vijnë nga Kreta në Angli nuk do të kenë më nevojë ta kryejnë këtë detyrim 14-ditor”, shtoi ministri.
Personat që nuk e respektojnë këtë karantinë dyjavore do të gjobiten me deri në 11 000 euro në rast se shkelja përsëritet.
Britania e Madhe, vendi europian më i prekur nga virusi, me më shumë se 43 000 vdekje, po përjeton një vale të dytë të COVID-19.